Nan yon korespondans Konsèy Prezidansyèl Tranzisyon an adrese avèk premye minis enterimè a Michel Patrick Boisvert, ayè 13 avril 2024 la, li mande pou minis la sispann ak nominasyon yo. Yo voye kominike sila pa rapò ak divès moun minis enterimè a sot nonmen nan dat 25 avril ki sot pase a.
Manm Konsèy la mande pou chèf gouvènman an kanpe sou anviwon 40 nominasyon li fè nan diplomasi ayisyèn nan. Pou yo menm, yo konsidere aksyon sila kòm gwo dezòd k ap fèt anndan administrasyon piblik la konsènan desizyon sa yo gouvènman demisyone a ap pran yo.
Pandan gouvènman demisyone a ap prepare ale li, li tou pwofite fè divès nominasyon sitou nan sektè diplomasi a sòti 10 mas pou rive 30 avril 2024 la. Se yon sitiyasyon jouskaprezan ki lakoz gwo pwoblèm avèk Konsèy Prezidansyèl Tranzisyon an ki apèn pran fonksyon.
N ap raple, gouvènman demisyone a pase anviwon 3 lane sou pouvwa a, san li pa te janm deside nonmen moun sa yo nan diplomasi a. Se nan moman konsèy tranzisyon an monte epi yo tan yo fini, yo resi deside fè divès nominasyon sa yo.
Atik sa se pwopriyete prive © Gwoup Medya MAGHAITI 2024
