Nan yon lèt byen louvri, Jacques Lafontant, Komisè gouvènman Tribinal Premye Enstans lan adresse ak direktè Depatman Lwès la, pou li mande l akonpayman kèk ajan polisye nan dat 15 Jen 2022, Anplis 2 blende pou l ka parèt nan Pakè Pòtoprens, parapò ak dega epi okipasyon bandi Vilaj Dedye nan dat 20 Jen 2022.
Komisè gouvènman an ekri l nan lide pou l ka al rekipere divès dosye ki gade nan biwo sibtisti komisè yo.
“Mwen vrèman nan obligasyon pou mwen adrese w nan yon rekizisyon fòmèl, puiske ou te retisan nan dènye pale nou te genyen ansanm nan telefonn nan dimanch 12 Jen 2022, kote w te vin ak yon pretèks fòk ou te gen avi siperyè sou tèt ou a pou w akonpanye n nou nan Pakè Pòtoprens lan”.
Pandanstan, nou espere w ka etabli yon ankèt nan fason pou n ka rive idantifye otè ak kowotè epi konplis zak sa ki se atake senbòl Leta “Palè Jistis”.
Komisè gouvènman an swete pawòl li ak demach li rive sou responsabilite Direktè Depatman Lwès la, kote li dwe reponn ak demann li ki se ofri li mwayen pou l al dèyè dosye nan pakè ki se divès objè prèv lajistis.
Atik sa se pwopriyete prive ©️ Gwoup Medya MAGHAITI 2022
