Nan mwens 2 jou avan 7 jiyè 2022 rive, dat k ap make premye lane depi plizyè moun te asasinen prezidan Jovenel Moïse nan chanm lakay li, nou konstate sijè sa refè sifas alòske ankèt pou fè limyè sou zak asasinay sa kontinye ap trenen bò isit, tandiske lòtbò dlo bon jan avanse ap fèt nan dosye a.
Pou ansyen Premye minis Claude Joseph, leta an plas la fè eksprè pou ankèt lan pran tout reta sa epi pa pote okenn rezilta .
Nan entèvansyon li nan emisyon “Le Point“, ansyen premye minis sou Jovenel la fè anpil revelasyon,
Li te pale sou liberasyon Samir Handal nan peyi Tiki an akoz Leta te fè erè nan dosye demann pou voye mesye Handal jije nan peyi isit.
Li rete kwè fay ki nan demann sila se yon mwayen Leta fè pou yo te libere akize a, sitou lè leta Ayisyen pa reponn gouvènman Tiki an ki te ekri li an.
Claude Joseph te kontinye deklare nan emisyon an :”Gouvènman ki la an tann li pou ansyen prezidan pa jwenn jistis li ‘’li rete kwè se volonte politik ki pa genyen sitou non Ariel Henry k ap travay pou oligachi a site nan konplo sa. Kidonk, tout sa yo vinn tounen yon obstak pou avansman ankèt la“.
Toujou selon li menm : “rezon ki fè Ariel Henry te vin premye minis peyi, se gras ak Michel Martely ki te enpoze li ak ansyen Prezidan Jovenel Moïse”.
Li ale pi lwen pou l fè konnen “Sak fè premye minis aktyèl la alèz avèk opozisyon an konsa, se paske yo tout sanble gen lyen ak zak asasinay la”.
Ariel Henry ap goumen pou kenbe pouvwa jiska 2025, yon fason pou li òganize eleksyon epi mete moun pa li nan tèt peyi an pou ka kontinye jwenn pwoteksyon menm jan li ap pwoteje Badio selon Deklarasyon Claude Joseph.
Ansyen Premye minis Claude Joseph, di li rete konfyan prezidan ap jwenn jistis li, paske se sèlman volonte politik lan ki manke.
Atik sa se pwopriyete prive ©️ Gwoup Medya MAGHAITI 2022
World
Discussion about this post