Nan kad operasyon pou anpeche kèk moun vann gaz bò lari epi fè respekte kominike gouvènman an ki se anpeche gaz la monte nan kad espekilasyon kèk moun vle fè sou mache a., komisè gouvènman gonayiv la arete 4 ponpis.
Komisè gouvènman Mèt Vanel Amisial ak direktè komès epi kèk polisye te rive arete 2 ponpis kote li te rive bare yo k ap vann gaz byen chè nan jou madi 26 avril epi 2 lòt ponpis ankò nan mèkredi 27 avril 2022, sa ki bay kòm bilan 4 ponpis.
Selon deklarasyon Mèt Vanel Amisial bay sou medya Gonaïbo Post : “Komisè a di li pase vizite kèk ponp, gen sa li jwenn ki genyen, konsa tou genyen li pa jwenn. Pandan tan sa, li rive bare kèk ponpis k ap fè mache nwa ak gaz la ki se yon pwodui transvèsal. Li rive arete yo an prezans lapolis epi l ap gen pou voye yo bay tribinal koreksyonèl pou jije yo“. Anplis, li ajoute : “Kesyon pou gaz ap vann tankou lo patat bò lari a, nou p ap dakò sa, ou ka obsève direktè komès ak lapolis la ak mwen, n ap f on travay tèt kole”.
Paralèlman, direktè komès la te ajoute nan kad konferans sa :”Mwen la pou m obsève si kominike gouvènman an respekte, envestige si ponp yo gen gaz, si pri yo respekte epi kontwole iregilarite yo”.
Yon travay otorite Gonayiv pran ak kè, pandan tan sa moun pa sispann plenyen nan lakou Pòtòprens pou lòsyè gaz yo paka jwenn nan ponp ki ta sanble yon ratman gaz. Kote moun yo pa sispann enkyete pou yon mannèv ogmantasyon gaz gouvènman an nan kreye panik gaz la olye kriz gaz.
© Tous droits réservés – Groupe Média MAGHAITI 2022
World
Discussion about this post