Nan yon nòt byen louvri, Federasyon Ayisyen Foutbòl la (FAF) adrese ak gran piblik la an jeneral nan dat 2 jen 2022, li vrèman nan obligasyon pou li retire ekip mwens pase 20 an gason an- nan eliminatwa KONKAKAF la, malgre li nan preparasyon pou koup dimonn. Yon desizyon ki pa depann ak nou, men pito kont volonte nou.
Nan moman sa, Federasyon an rete plis fokis sou plizyè aktivite li genyen k ap mache nan kad preparasyon Grenadye yo nan Lig dènasyon nan Konkakaf la, anplis dènyè faz eliminatwa koup dimonn feminin nan peyi Ostrali ak Nouvèl Zeland pou 2023 ak lòt konpetisyon k ap vini ankò.
Federasyon Ayisyen Foutbòl mande ak tout peyi a pou li sipòte ekip yo parapò ak angajman yo nan konpetisyon entènasyonal yo nan lide pou yo ka fè flote drapo ble ak wouj la ak foutbòl ayisyen an, malgre tout difikilte peyi a ap konnen jounen Jodia.
© Tous droits réservés – Groupe Média MAGHAITI 2022
