Jodi dimanch 26 jen 2022 a, plizyè patizan Fanmi Lavalas ak lòt ankò te pran lari pou mande retou ankò Jean-Bertrand Aristide nan tèt palè Nasyonal pou asire tranzisyon peyi a.
Yon nouvèl demonstrasyon fòs Fanmi Lavalas la afiche jounen jodia ki pa fèt depi byen lontan sa.
Yo te yon gen dividal moun ki pile makadanm avèk yo nan dat dimanch sa. Ebyen, aprè demonstrasyon vil Okay, se te kout Pòtoprens nan kad mobilizasyon militan yo pou reklame ouvètman prezans Jean-Bertrand Aristide nan tèt peyi a yon lòt fwa ankò, sitou nan konjonkti nou ye la.
Anpil nan manifestan sa yo te abiye ak maryo blan ak eslogan epi foto chèf lidè Fanmi Lavalas la. Kote yo t ap pwomennen nan plizyè wout nan kapital, presizeman sòti Lakay ansyen prèt Sen Janbosko a.
Pandan, n ap raple se te aprè yon mouvman popilè rad mare konsa, Jean-Bertrand Aristide te kite pouvwa an 2004, kote gwoup GNB ak etidyan te mennen kont li akoz move jesyon li nan tèt peyi a. Men, patizan li yo toujou kalifye kòm zak koudeta.
Diskou jounen jodia se te mande ” TITID SE OU N AP TANN / SALUT PUBLIC”, kote se pèp la k ap chwazi moun k ap pran tèt peyi a pou asire tranzisyon an.
Malgre, se aprè rankont anbasadè La Lime ak Ariel Henry ki vin gen tout leve kanpe sa pou Jean-Bertrand Aristide.
Atik sa se pwopriyete prive ©️ Gwoup Medya MAGHAITI 2022
