Minis sante piblik la konfime kolera gentan fè anviwon 461 viktim depi 3 mwa nan peyi a, yon kriz sanitè ki gen gwo konsekans sou peyi a, anplis kriz alimantè a epi ensekirite a k ap ravaje sosyete a. Selon sa Jounal Listin Diaro fè konnen nan dat vandredi 13 Janvye 2023, epidemi sa gentan fè plizyè santèn mò.
Otorite sanitè ayisyen an konfime gen an total 1576 ka nan peyi a sou yon nonm 23112 ka pwobab.
Anplis, nan lopital gen 19186 moun ki gentan touche avèk sentom kolera depi 3 oktòb 2022 a, alòske laj mwayenn sila yo ki enfekte yo se 20 an, presizeman timoun sòti 1 an pou rive 9 an, ki fè an pwobab 7700 ka.
Paralèlman, premye minis defakto Ariel Henry, anonse nan yon tweet peyi a pral kòmanse resevwa soutyen finansye nan men «Fonds Monétaire International» ki pral gen pou reponn avèk lide ijans alimantè a. Anplis, Ayiti se pral premye peyi ki pral benefisye pwogram sa ki pote non « Food Shock Window» epi penmèt yon seri aksyon pwoteksyon sosyal.
Photo: Le Point
Atik sa se pwopriyete prive ©️ Gwoup Medya MAGHAITI 2023
World
Discussion about this post