Aprè plizyè leve kanpe bandi ak zam nan divès komin nan peyi a, endividi yo pa rive idantifye chwazi mete dife nan lokal santral Ofis Asirans Machin Pou wout (OAVCT) ayè vandredi premye mas 2024 la.
Selon enfòmasyon yo ta sanble sèvis biwo rejyonal ak operasyon epi direksyon enfòmatik ak medikal la ta vrèman ravaje anba dife, malgre ajan ponpye yo te gentan rive pou touye dife ki t ap mete nan espas sila.
Sou lòt bò plizyè enstitisyon prive ak piblik te oblije fèmen pòtay yo pou menas kout bal bandi nan zòn metwopolitèn nan. Poutan, OAVCT ki touprè Anbasad Ameriken te pral pran dife yèswa.
N ap raple nan omwen 48è, OAVCT te pral ajoute nan lis enstitisyon endividi mete dife nan yo anndan peyi a, konsa nou jwenn sikisal Unibank ki nan Dèlma 71 la, espas Elektrisite Deta Dayiti epi 3 sou komisarya, aprè leve kanpe bandi yo fè pou simen latwoublay. Pandanstan premye minis defakto Ariel Henry, te resi kondane zak vyolans ak kriminalite k ap pase anndan peyi a se atravè yon nòt primati te pibliye ayè premye mas la.
Atik sa se pwopriyete prive ©️ Gwoup Medya MAGHAITI 2024
