Direktè kominikasyon Ministè Sante Piblik ak Popilasyon an, Dr Jeanty Fils Exalus libere pou lajan ayè madi 28 fevriye 2023 a. Se òganis Stop Accidents ki konfime viktim lan rive lakay li an byen.
6 jou aprè nèg ak zam te finn kidnape Dr Jeanty nan zòn metwopolitèn Pòtoprens lan, selon enfòmasyon Stop Accidents bay, li ta rive libere ayè madi 28 fevriye a.
Yon lòt bò, youn nan responsab enstitisyon woutye a, Garnel Michel fè konprann se pou lajan doktè a jwenn liberasyon l. Men li pa rive bay detay sou konbyen kòb fanmi an te bay kont libète pwofesyonèl sante a.
“Nou kontan pou nou anonse nou li retounen san okenn mal pa rive l”, se sa enstitisyon an fè konnen sou paj fesbouk yo, pandan yo tou pwofite remèsye tout moun ki te pote sipò yo nan kad kidnapin kòdonatè nasyonal yo a.
Atik sa se pwopriyete prive ©️ Gwoup Medya MAGHAITI 2023
