Sekretè deta adjwen Etazini a ki rele Brian Nichols anonse atravè yon twit jodi lendi 6 mas la l ap gen pou l vizite peyi Dayiti nan semèn k ap vini an.
«Mwen vrèman anvi vizite Miyami ak Ayiti semèn sa, kote m pral gen pou m rankontre yon dividal patnè gouvènmantal, sektè prive, sosyete sivil epi diplomat kila pou fè avanse avèk pwogrè pou yon demen estab, pwospè epi demokrat nan Amerik la», se twit Sekretè Deta emisfè Oksidantal, Brian Nichols.
Nouvo vizit sa pral gen pou fèt nan kad kriz ensekirite k ap gangrennen Ayiti an depi kèk tan. N ap raple Sekretè Deta adjwen Ameriken an, Brian Nichols, te vini avèk yon delegasyon entèrajans Pòtoprens nan dat 12 ak 13 oktòb 2022 a.
Delege sila a te gen pou misyon evalye fason gouvènman ameriken an kapab kontinye ede peyi Dayiti, pandan l ap sanksyone sila yo k ap simen latwoublay nan peyi an.
Delegasyon sa te rankontre chèf Primati an Ariel Henry, Sinyatè Akò Montana a, lidè nan sektè prive yo epi reprezantan nan sosyete sivil la.
Atik sa se pwopriyete prive ©️ Gwoup Medya MAGHAITI 2023
Discussion about this post