Bandi sou moto krible ak bal polisyè Barbara Fécu jounen jodi mèkredi 7 me 2024 la byen bonè nan maten, nan ri Kami Leyon (Pòtoprens), selon sa a jounal Haïti standard rapòte.
Polisyè 32èm pwomosyon an pèdi lavi l maten an pandan li t ap mennen yon timoun lekòl. Bandi t ap eseye kidnape l e nan rezistans li, yo asasinen l.
San pran tan, malfra yo te tou pwofite pran zam viktim lan, yo menm rive chape poul yo san yo pa jwenn okenn obstak sou wout yo, toujou selon jounal Haïti standard.
N ap raple yè madi 7 me 2024 la nan lannuit, plizyè moun te pèdi lavi yo pandan yo te nan yon ti bis (Kafou/Lavil),
Selon sendikalis Changeux Mehu ki lonje dwèt li sou yon blennde Lapolis ki fè zak sa a. Yon pasaje te rakonte, moun yo viktim nan moman chofè a t ap pase anndan Matisan.
Atik sa se pwopriyete prive © Gwoup Medya MAGHAITI 2024
