Sòti nan dola Ameriken ak rive nan Ewo, anbasad Ayiti Anonse nouvo tarif parapò ak dènyè desizyon Bank Santral Kiba adopte, kote Anbasad nan peyi Kiben chanje monnen divès fakti sèvis konsilè li yo.
Pandan tan sa a, nan kominike Anbasad Ayiti prezize : An rezon nouvèl enstriksyon Bank Santral Kiba, ki deja antre operasyonèl nan dat 10 jen 2022, kote li egzije tout sèvis konsilè yo dwe peye an Ewo olye dola Ameriken”.
Anplis, Bank Santral Kiba anonse lòt Anbasad yo ak konsila yo ka efektye plizyè depo an espès sou fòm deviz etranje, sof an deviz Ameriken.
Pou rezon sa, divès pri nouvo tarif pèyman sèvis konsilè ant Anbasad Ayiti ak Kiba vin : Pou demand viza premye fwa ak pou Yon sejou touristik, l ap koute w 150€ kounya olye 175$ Ameriken avan. Sila k ap renouvle tout fwa li te gen yon dosye deja nan Anbasad la, l ap bay 130€ kounya olye 150$ avan.
Fason pou moun tanmen pwosesis vwayaj Kiba, an desanm dènye, Anbasad la te rapòte kijan moun yo dwe pran randevou nan biwo yo ak respekte etap sa yo.
Monte sou sit sa pou plis enfòmasyon nesesè: cita@embhaiti.cu
Atik sa se pwopriyete prive ©️ Gwoup Medya MAGHAITI 2022
