Kadinal Chibly Langlois konnen yon tèrib aksidan machin li pandan li t ap franchi sou wout Leyogann, pli patikilyeman nan zonn Akil, nan dat 8 jen 2022, nan lè anviwon midi.
Rapid vit li te transpòte nan lopital, selon deklarasyon Monsenyè Pierre André Dumas, te ofri ak Nouvelliste.
Plizyè imaj ki parèt sou rezo sosyal yo, montre ak klè nan ki dimansyon machin kadinal la kraze. Malgre, selon premye enfòmasyon yo ta vle fè konprann sante li plizomwen estab nan moman n ap pale la. Sof, yon ponyèt li ki ta kase.
Paralèlman, pou anpil moun, se chans pa li oswa gras Bondye ki fè li sove anba ak gwo aksidan sa.
Anplis, “STOP-ACCIDENT” nan dènyè rapò li te sòti pou 5 jen 2022 a, mete yon bilan 22 aksidan epi yon total 104 viktim ( 9 moun mouri ak 95 blese). Kidonk, aksidan jounen jodia montre nivo ensekirite woutyè nou nan peyi a.
© Tous droits réservés – Groupe Média MAGHAITI 2022
