Nan yon atak gwoup gang Viv ansanm nan tanmen ayè lendi premye avril 2024 l, sou Palè Nasyonal la, gen anviwon 4 ladan yo ki tonbe. Nan menm atak sa tou, gen yon ti chablennde lapolis bandi yo ta pral boule.
Pandan tout moman operasyon sa, bandi yo te pral itilize Lopital Jeneral kòm espas pou yo te kache kò yo epi menm eseye boule Bibliyotèk Nasyonal. Sepandan, se gras avèk presyon Lapolis ki fè espas sila te epanye, selon sa Radio Métronome rapòte.
Paralèman endividi nou pa te rive idantifye te rive mete dife nan lekòl katolik «Petit Séminaire Collège Saint-Martial», nan zòn Metwopolitèn nan pandan moman tansyon ki te gen ayè lendi an. Se menm sitiyasyon sila ki te pral lakòz kèk sitwayen pezib pran bal pandan yo t ap sikile nan wout yo toupre Lopital la. Pou kounya, gwo menas kontinye pandje sou popilasyon an puiske depi ayè lendi a nèg ak zam kontinye ap atake divès zòn nan peyi a.
Atik sa se pwopriyete prive ©️ Gwoup Medya MAGHAITI 2024
