Ayè Lendi 5 Septanm 2022 a, Jij Walter Wesser Voltaire te rive odisyone medsen Christian Emmanuel Sanon kòm youn nan prezime koupab nan asasina ansyen prezidan Dayiti a Jovenel Moïse, nan dat 7 jiyè 2021, Lakay li Pèleren 5, komin Petyonvil. Lapolis te arete Christian Emmanuel Sanon nan kad ankèt l ap mennen sou zak sa.
Pastè Christian Emmanuel Sanon se youn nan veritab sispè nan Lanmò Prezidan Jovenel Moïse la, kòmkwa li te nan Palè Nasyonal aprè plizyè mèsenè kolonbyen te fin komèt krim sa.
Nan dosye a gen yon dividal moun ki akize ladan li, sila ki isit ak lòtbò dlo peyi a, tankou Senatè John Joël Joseph, Roodolphe Jaar, Antonio Palacios, Joseph Vincent, Dimitri Herard, elatriye.
Pandan, n ap raple Jij Wendell Coq Thélot, Félix Badio Joseph epi premye minis Ariel Henry te nan telefonn plizyè fwa aprè lanmò ansyen prezidan peyi a, selon ankèt òganizasyon Rezo Nasyonal Defans Dwa Moun (RNDDH).
Atik sa se pwopriyete prive ©️ Gwoup Medya 2022.
World
Discussion about this post