Aprè atak bandi ak zam fè sou yo byen bonè madi 26 septanm 2023 a, popilasyon an nan tèt kole ak lapolis touye epi boule anviwon 8 endividi yo akize kòm manb gang. Daprè plizyè sous nou ka fè konfyans, popilasyon Mibalè a tanmen operasyon depi jodi a pou mache pran tout moun yo sispèk ki ta nan gang.
Menm jan yo te anonse l, jodi madi a moun Mibalè touye plizyè bandi nan kad operasyon bw* kale yo lanse nan vil la. Konsa, sòti maten an pou rive aprèmidi a ajan Swat Team ak Brigad Entèvansyon ak Rechèch(BRI) rive touye nan echanj kout bal 3 bandi ame epi sezi plizyè zam ak katouch. Alòske popilasyon an nan bò pa li touye epi boule 5 lòt.
Pou kounya, selon sa kèk abitan fè Mag Haïti konnen, vil Mibalè pa sou twòp tansyon kontrèman ak jan sa te ye maten an. Men, moun yo ak tout lapolis toujou rete mobilize pou fè fas kare ak bandi ak zam ki ta vle vinn kontwole zòn yo.
Atik sa se pwopriyete prive ©️ Gwoup Medya MAGHAITI 2023
