Plizyè gadkòt Ameriken deklare nan mèkredi 22 jen 2022 atravè Jounal “Listin Diaro”, gen 27 migran Ayisyen yo te rive sove sou yon Zile plen wòch ak kote moun pa rete ditou, men ki sitiye kò li ant Pòtoriko ak Sendomeng.
Operasyon sovtaj sa gen plis pase 2 semenn depi yo te kòmanse li, se te depi nan dat 7 jen 2022, konsa gadkòt yo te rive idantifye yon bato kontreband sou lanmè a, tou prè Zile Monito (Pòtoriko).
Otorite yo di :
“Yo te rive arete 3 kontreband ilegal sa yo ak sove 9 sou 27 Ayisyen sa yo ki te sote nan dlo a”.
Ajan yo te ajoute : “Anpil kondisyon difisil te anpeche nou sove lòt Ayisyen ki te rete yo, sof nou te bay yo manje ak dlo epi rad jis yon fason pou n te ka al pran 18 lòt Ayisyen yo nan demen”.
Malgre Ayiti jounen jodia, se plis ogmantasyon gang ak vyolans, kidnapin epi lanmò k ap miltipliye chak jou, alòske plizyè moun ap chèche kouri kite peyi a, kote anviwon plis pase 11 milyon Ayisyen deja kite peyi a pou y al chèche lavi miyò lòtbò dlo.
Atik sa se pwopriyete prive ©️ Gwoup Medya MAGHAITI 2022
Discussion about this post