James Dorsainsil se non polisye 24yèm pwomosyon sa ki mouri ayè jedi 15 août 2024 la, nan kad batay kont bandi Bèlè yo. Batay sa ki eklate depi nan 6è nan jedi akoz bandi Viv ansanm vle kontwole Solino epi enstale yon chèf gang nan Dèlma 24.
Se Sendika Polis Nasyonal Ayiti a (SPNH-17) ki konfime maten vandredi 16 dawout la nouvèl lanmò polisye a sou kont X li. “Sendika Lapolis la, regrèt lanmò polisye James Dorsainvil, alyas Ti blan Awai, 24e pwomosyon PNH, nan batay kont bandi Bèlè“, se sa nou li sou kont sendika a.
SPNH-17 nan menm moman an pwofite pou mande ak DDO1, DCPA epi DGPNH la aji vit pou anpeche solino pèdi, osnon rès kapital la ap livre bay bandi. Pandantan sa yo fè konnen pasivite otorite yo bay gwo kè sote.
Jouska maten an, kout bal pa sispann chante nan Solino. Se yon sitiyasyon ki lage gwo kè kase lakay abitan yo.
sa se pwopriyete prive ©️ Gwoup Medya MAGHAITI 2024
