Ansyen palmantè Edmonde Suplice Beauzile akize nan yon twit Youri Latortue, Nenel Cassie ak Arnel Belizaire, kòm moun ki ta voye yon gwoup moun anvayi lakay li jodi 15 septanm 2022 an, nan Tomasen 32.
“M fè tout vi mwen- m ap travay, m pa janm antre nan bagay louch, okenn krim san ni ekonomik. M ap di Youri, Nenel epi Anel m pa gen kòb menm jan ak nou, m fè yon kay nan 20 an, men jodia nou voye moun lakay mwen pou kraze l , lavi m ak lavi fanmi m sou kont nou.O secours.” Deklara Edmond nan tweet.
Plizyè enfòmasyon fè konnen, yon gwoup moun yo pa te rive idantifye te antre jodia Lakay Ansyen palmantè Edmonde Supplice Beauzile, yo pran plizyè bagay nan kay la epi yo ta menm rive mete dife sou pasaj yo.
N ap raple ayè mèkredi an, yon gwoup te deside atake kay André-Michel ki rele tèt li avoka pèp la. Gwoup moun sa yo te mete dife nan yon machin ”Subaru’‘ ki te nan lakou a epi menm rive sakaje anndan kay avoka a.
Jodia ki fè twazyèm jounen peyi lòk la, gen anpil enstitisyon moun yo gentan demantibile nan pòtoprens ak Gonayiv. Yon lòt fwa ankò, radyo ”Modèle FM” ki nan ri Rebeka Petyonvil, te lanse yon alèt bay lapolis, akoz yon gwoup endividi te atake lokal la ankò.
Atik sa se pwopriyete prive ©️ Gwoup Medya MAGHAITI 2022
World
Discussion about this post