Jean Wilfrid Aristilde, yon jèn etidyan nan fakilte Dwa ak Syans Ekonomik (FDSE) ak nan Enstiti Nasyonal Jesyon Etid Siperyè Entènasyonal (INAGHEI) mouri san malad jounen madi 17 septanm nan.
Jèn gason 23 lane a pèdi lavi l aprè l fin tonbe pandan l t ap fè yon ekspoze nan fakilte Dwa a ki anndan lokal Ofis Pwoteksyon Sitwayen (OPC) yo. Daprè enfòmasyon plizyè medya rapòte, anpil dilijans te fèt pou te rive sove lavi Wilfrid paske l te gentan rive lopital. Men, sa pa t anpeche li rann dènye souf li.
Fas ak disparisyon jèn etidyan fakilte leta a, Ofis Pwoteksyon Sitwayen (OPC) di l gen lapèn pou lanmò trajik sa ki fèt nan lokal li a. Nan sans sa, Raphaël Théoma Daniel, ki se direktè kominikasyon enstitisyon an, di l eksprime tout senpati l bay paran, kamarad viktim nan ak tout kominote inivèsite a.
Atik sa se pwopriyete prive ©️ Gwoup Medya MAGHAITI 2024
