Dife te pran anndan yon kay, kote moun te sere gaz pou revann oswa itilize nan komin Laskawobas/Depatman Sant, nan dat mèkredi 15 Jen 2022. Sa pase presizeman nan yon zonn ki rele Kwadè Mati (Croix des Martyrs). Kòm konsekans, li ta pral lakoz yon bebe boule jouk li t al rann dènyè bout souf li nan yon lopital nan komin lan.
Selon korespondan jounal medya anliy “Le Facteur”.
Dife sa te pwovoke dabò yon blese grav kote bebe a ki te anndan kay la, sak te penmèt yo kouri rapid vit ak li nan yon lopital nan komin lan, yon fason pou yo te ka ofri li swen ki nesesè ak wè kòman yo te ka sove lavi li.
Kèk tan aprè ti bebe sa te jwenn lanmò li, malgre li te resevwa swen nan men medsen yo.Toujou selon korespondan medya n site la: ” Pratik sere ak vann gaz atravè lari nan vil Laskawobas se yon bagay ki repete ak anba je tout moun”.
Jiskaprezan okenn otorite nan leta oubyen komisè gouvènman poko plase okenn mo sou ensidan sak pase a, se kòmkwa li pa konsène yo ni entèpele yo parapò ak lavi moun ki ekspoze ak gaz k ap estoke tribò pa bò nan depatman Sant lan.
Atik sa se pwopriyete prive ©️ Gwoup Medya MAGHAITI 2022
World
Discussion about this post