Nan kad vizit prezidan Kolonbyen an Gustavo Pétro, pral fè an Ayiti jodi mèkredi 22 janvye, vis Minis zafè etranjè Kolonbi, Françisco Guy Granados, deja ateri nan vil Jakmèl madi 21 janvye 2025 lan.
Se prezidan Konsèy Prezidansyèl Tranzisyon an ( KPT), Lesly Voltaire ansanm ak ansyen prezidan Edgard Leblanc Fils ki te akeyi mesye Françisco Guy Granados nan vil Jakmèl.
Depi aprè anons vizit Prezidan kolonbyen an nan peyi a, reyaksyon yo pa sispann vini bò kote manm popilasyon an. Pou kèk nan yo, vini mesye Petro nan peyi a se nan lide pou libere mèsenè kolonbyen yo ki akize nan lanmò ansyen prezidan Jovenel Moïse. Pou reyaji ak deklarasyon sa yo, minis kominikasyon ak kilti a, te deklare madi 21 janvye a nan kad «les mardis de la nation», ki fèt nan Jakmèl, pawòl sa yo pa gen anyen pou wè ak verite.
N ap soulinye, Sekretè Deta Kominikasyon an, Guerby Tilias, Jeneral Fòs Lame Ayiti a( FAD,H), Derby Guerrier ak direktè jeneral Polis Nasyonal Ayiti a (PNH) se kèk pami otorite ki deja nan vil Jakmèl pou tann vini Prezidan Gustavo Petro.
Crédit Photo: Gazette Haiti
Atik sa se pwopriyete prive ©️ Gwoup Medya MAGHAITI 2025
