Nan yon nòt yo pibliye jodi madi 3 desanm 2024 la, gwoup VAYB anonse li anile tout pwogram li yo an Ayiti. Menmsi yo pa bay rezon ki fòse yo pran desizyon sa, yo presize rezon ki kache dèyè sa pa volontè, ni sòti bò kote yo.
«Nou regrèt sa men nou enfòme nou toune gwoup VAYB la anile an Ayiti. Nou konnen jan nou t ap tann gwoup la nan tout andeyò ak nan kapital la», se sa responsab yo ekri nan nòt sa yo pataje sou tout rezo sosyàl yo.
N ap soulinye, desizyon pou anile pwogram li yo vini tousuit aprè nyès chantè Michaël Guirand, Claire Guirand Villard te viktim ensekirite an Ayiti. Kote fiyèl atis la te rive pèdi lavi l aprè l te resevwa yon bal mawon pandan l te lakay linan zòn Tijo.
Pou kounye a, responsab yo pa bay okenn lòt dat pou ta konnen kilè y ap vin jwe nan peyi a. Men, yo pwofite okazyon an pou voye chapo ba bay tout fanatik e swete move moman sa ap pase.
© Tous droits réservés – Groupe Média MAGHAITI 2024
