Dwa tarif Prezidan Donald Trump te enpoze Meksik lan, pran poz yon mwa kounye a alòske l te dwe antre an aplikasyon demen madi 4 fevriye 2025 lan. Prezidan ameriken an pran desizyon pou l retade aprè otorite meksiken yo deside kolabore ak yo.
Desizyon pou mete poz yon mwa tarif Meksik lan vini aprè otorite meksikèn yo deside pou voye 10 000 manm gad nasyonal sou fwontyè a. Gad sa yo ap vin ranfòse epi ede trafik dwòg k ap plede antre Etazini yo. Se prezidan Donald Trump ki konfime enfòmasyon an sou rezo sosyal li, Truth Social m, pandan li soulinye li te gen yon konvèsasyon zanmitay ak prezidan Meksik la, Claudia Sheinbaum.
Prezidan Meksik la sou bò pa l, deklare jounen lendi an tarif dwàn yo prezidan Trump te anonse a retade pou yon mwa an atandan genyen lòt negosiyasyon ki fèt. An menm tan , li fè konnen Meksik pral ranfòse fwontyè Nò a ak 10 000 manm gad nasyonal san pèdi tan. Desizyon sa ap sispann trafik dwòg sòti Meksik rive Etazini, an patikilye pwodui ki rele fentanyl la.
Atik sa se pwopriyete prive ©️ Gwoup Medya MAGHAITI 2025
