4 sitwayen nan yon menm fanmi rive pèdi lavi yo nan vil Okap nan lannuit jedi 5 pou rive vandredi 6 desanm 2024 la. Selon plizyè medya lokal, dram sa pase aprè yon mi ki fèt ak wòch te rive tonbe sou kay moun sa yo te rete a, nan zòn Yton Bandinò.
Nan moun ki viktim yo nou jwenn : papa fanmi an ki se Wilson Marcellus ki genyen 38 lane, madanm li, Nadia Michel ki genyen 32 lane ak 2 pitit yo ki se Wilmise epi Wildia Marcellus. 2 timoun yo yo menm yo genyen youn aprè lòt 13 ak 7 lane sèlman.
Se yon dram ki pase nan vil la pandan lapli pa sispann tonbe, kote plizyè zòn rive inonde. Se yon sitiyasyon ki mete abitan yo nan gwo difikilte paske aktyèlman anpil zòn anvayi ak fatra.
N ap soulinye, gwo konsekans sa yo tonbe sou vil la sèlman yon jou aprè meri Okap la te deside dekrete eta ijans anviwonmantal sou tout vil la.
Atik sa se pwopriyete prive ©️ Gwoup Medya MAGHAITI 2024
