Nan yon nòt li rann piblik jodi lendi 16 septanm 2024 la, pwopriyetè otèl Kaliko Beach la, Emmanuel Fritz Paret ki bay konpayi Digicel aksè mete kab optik pou alimante peyi a ak entènèt fè konnen li pap ka kontinye ede Digicel ankò. Li pran dezisyon sa paske li di konpayi a dwe li plis pase 2.5 milyon dola vèt.
“Depi 2019, Digicel dwe m yon voum lajan paske m te ba yo dwa pou te itilize otèl mwen an pou kab sa. Malgre tout tantativ pou n te rezoud pwoblèm sa, dèt la pa janm peye e kounye a la li depase 2.5 milyon dola ameriken“, daprè revelasyon Emmanuel Fritz Paret nan yon moman kote rezo entènèt konpayi a tonbe depi plis pase 2 jou.
Pi lwen, li fè tout moun konnen kab optik entènasyonal ki relye Ayiti ak Etazini, e ki bay tout peyi a entènèt se nan otèl li a li pase. Nan sans sa, li di li pran desizyon pou pa kontinye soutni Digicel nan operasyon li yo toutotan yo pa peye l.
Yon lòt kote, li di li gen gwo kè kase konsènan yon posib lyen ki ta genyen ant gang karyès yo ak moun Digicel yo. E li soulinye tou, se ta gang Karyès yo ki ta lakoz domaj ki gen nan kab optik sa puiske li fè konnen se pap premye fwa endividi ame yo atake antrepriz li a.
“M vle presize m pap ka soutni operasyon Digicel yo san m pa resevwa lajan lejitim m dwe jwenn nan. Avoka m yo ap travay chak jou sou kesyon sa, pandan y ap chache pou gen jijman jidisyè kont Digicel epi asire yo tou dwa m yo respekte“, daprè sa nou li nan lèt sa a.
Nan bò pa direktè jeneral Digicel la, Sa afekte tout operatè nan peyi a, e nou mandel fò pou bay aksè sa, pou retabli sèvis pou popilasyon a.se egzakteman nan espas otèl Kaliko Beach la domaj yo ye e ekip teknisyen yo disponib pou fè tout reparasyon yo. Men, daprè sa li fè kwè nan yon pòs li te fè sou kont X li se mèt otèl Kaliko a ki refize pwoblèm lan rezoud jouskounye a.
N ap soulinye, kontrèman ak pwopriyetè otèl la, Emmanuel Fritz Paret ki deside bay rezon ki fè okenn solisyon poko pote a, nimewo 1 Digicel la pa t mansyone te gen pwoblèm lajan nan dosye a.
“Sa afekte tout operatè nan peyi a, e nou mande l fò pou bay aksè sa, pou retabli sèvis pou popilasyon a“, se demann piblik sa Jean Philippe Brun te deside adrese ak mèt otèl Kaliko Beach la.
Atik sa se pwopriyete prive ©️ Gwoup Medya MAGHAITI 2024
