Plizyè moun pèdi lavi yo jodi mèkredi 25 jen 2025 lan nan yon eksplozyon ki fèt Gonayiv. Moun sa yo mouri se aprè yon kamyon sitèn gaz te fin fè aksidan jiskaske l pran dife nan zòn ki rele Pon Goden an.
Menm si poko gen chif sou kantite moun ki mouri yo, plizyè temwen fè konnen gen divès kò moun ki boule. Rès kò moun sa yo rete atè a pandan gen plizyè lòt moun ki sòti blese nan dram sa a tou.
Fòk nou di, se yon sitiyasyon ki te bay gwo kè sote. Sitou zòn nan pa gen ponpye, sa ki fè jwenn èd pou sove lavi moun ki te enplike yo te parèt difisil toujou selon temwen yo.Pou kounye a deja gen yon ankèt ki louvri pou konn sikonstans aksidan sa rive a.
Atik sa se pwopriyete prive © Gwoup Medya MAGHAITI 2025
