Òganizasyon Entènasyonal Migrasyon (OIM) revele jodi madi 6 dawout 2024 la genyen 2 121 moun ki kouri kite kay yo akoz vyolans nèg ak zam nan komin Gantye. Selon yo menm kantite moun sa yo yo jwenn nan sòti nan 985 kay nan komin sa.
OIM di li rive rasanble enfòmasyon sa yo aprè atak ki fèt nan komin Gantye yo. Yo konsidere atak ki te fèt 21 jiyè 2024 la, nan 5yèm seksyon Peyi Pouri, ansanm ak yon lòt atak ki te fèt nan 4yèm seksyon Mare Rozo nan dat premye dawout ki sot pase a. Òganizasyon an eksplike moun sa yo kouri se aprè divès atak sa yo ki pa sispann fèt nan komin nan.
Daprè rapò sa, OIM fè konnen pi fò moun ki kouri yo al pran refij ak fanmi yo lakay yon fanmi ki aksepte louvri pòt ba yo. Yo soulinye 17% ki rete a menm al refijye yo nan nouvo sit ki genyen yo.
Atik sa se pwopriyete prive ©️ Gwoup Medya MAGHAITI 2024
