Daprè dènye rapò Biwo Entegre Nasyonzini an Ayiti (BINUH) genyen yon total 1 732 moun ki pèdi lavi yo nan kad vyolans gang ak zam yo ak nan operasyon lapolis, pandan 3 dènye mwa ane 2024 la. Kantite moun sa yo mete sou lòt chif avan yo fè pandan ane 2024 la gen yon total 5 626 moun ki mouri.
Nan rapò sa a ajans lan pibliye jounen madi 4 fevriye 2025 lan, li revele tou se 411 moun ki blese nan menm ane sa toujou akoz zak vyolans bandi yo. Sa ki fè genyen ototal 2 213 moun ki sòti blese pandan ane 2024 la.
Pandan menm peryòd sa, BINUH fè konnen bandi te rive kidnape 431 moun, sa ki bay nan ane a yo te pran 1 494 moun. Pi lwen, ajans onizyèn nan rapòte otorite ki la pou fè aplike lwa yo te touye yo menm 86 moun, kote 80 ladan l se ajan PNH yo ki te fè l epi 6 lòt yo se komisè gouvènman Miragwàn nan, Jean Ernest Muscadin ki te fè yo.
Òganizasyon entènasyonal la soulinye nan viktim yo genyen 2 timoun. E li presize ototal depi kòmansman ane a, lapolis te touye omwen 281 moun epi komisè Muscadin touye 42. BINUH eksplike tou kòman vyolans moun k ap defann tèt yo ansanm ak manm popilasyon an vin tounen yon sous enpòtan nan kesyon abi dwa moun. Se sa ki fè, li konfime genyen 268 moun ki mouri sa ki bay 13% nan tout moun ki mouri pandan dènye trimès ane 2024 la.
Pandan 3 mwa sa, genyen 21 prizonye ki pèdi lavi yo. Kidonk, pandan tout ane a, gen yon total 186 prizonye ki mouri.
Poutèt sa, BINUH mande ak kominote entènasyonal la pou li kenbe Ayiti sou ajanda entènasyonal la epi prese ak deplwaman konplè Misyon Sipò pou Sekirite Miltinasyonal la (MMAS). Pandan y ap respekte akò ak nòm ki ekri sou dwa moun yo, jan Rezolisyon Konsèy Sekirite Nasyonzini 2699 (2023) te di li a.
Li mande tou ak gouvènman ayisyen an pou l kreye, atravè yon dekrè, yon sant jidisyè espesyalize pou goumen kont krim yo tankou vyolans seksyèl, ak krim finansye. Epi pou kominote entènasyonal la mete kanpe yon pwogram reyabilitasyon ak reyentegrasyon pou timoun ki enplike nan gang y
Credit Photo: Aljazeera
Atik sa se pwopriyete prive ©️ Gwoup Medya MAGHAITI 2025
