Jodi lendi 19 dawout 2024 la make jounen mondyal èd imanitè, nan okazyon an Òganizasyon Entènasyonal Plan pale sou nesesite ki genyen pou tabli sekirite nan peyi a yon mannyè pou èd rive al jwenn fanmi ki nan bezwen yo.
Nan chif òganis la kominike a, li fè konnen fas ak gwo ensekirite alimantè a 1.64 milyon moun ki nan faz ijans epi 3.32 milyon moun nan kriz.
Nan sa ki gen pou wè ak timoun k ap soufri nan peyi a, di yo prevwa genyen yon total 277,000 timoun ki poko gen 5 lane ki pral soufri gwo malnitrisyon nan mwa novanm 2024 la.
Estrikti a ale pi lwen pou l di ka travay timoun fòse yo vin pi plis ak yon pousantaj 31%. Sa ki fè timoun ki genyen ant 6 mwa ak 5 lane yo ansanm ak fanm ansent epi fanm ki bay tete, riske soufri grangou akoz yo pa byen manje.
Pou fini, yo fè konnen tifi ak jèn fanm yo kontinye viktim anba vyolans, atak fizik ak tizonnay, e timoun yo vin pi fèb sitou ak gwoup gang yo k ap fè rekritman.
CP: UN News
Atik sa se pwopriyete prive ©️ Gwoup Medya MAGHAITI 2024
