Daprè Fox News ki site ministè Sekirite Enteryè ameriken an pwogram Biden nan fè yon ti kanpe. Yo eksplike otorite yo pran desizyon sa akoz twòp fwod yo jwenn ki genyen ladan li.
Desizyon sa vini aprè yon rapò ki sòti nan Ministè a montre genyen anpil dezòd nan pwogram nan, daprè sa jounal ameriken an rapòte.
Nan sans sa, otorite yo deside kanpe sou bay benefisyè yo otorizasyon vwayaj la, yon fason pou ka rete pridan. Medya etranje a soulinye se yon sous nan kongrè ameriken an ki revele yo desizyon pou kanpe pwogram nan pran nan mitan mwa jiyè ki sot pase a, aprè yo te fin jwenn rapò a.
N ap raple, pwogram sa te lanse nan mwa janvye 2023 a pou te pèmèt 30 000 migran ki sòti Ayiti, Venezyela, Nikaragwa ak Kiba antre sou teritwa ameriken an. Depi kòmansman pwogram nan, gen anviwon 184 000 mil ayisyen ki deja apwouve pou ale tandiske 90% lòt gentan jwenn posiblite pou antre Etazini.
sa se pwopriyete prive ©️ Gwoup Medya MAGHAITI 2024
