Béatrice Cajoux se non dam sa yon endividi ak zam rive touye ayè lendi 14 oktòb 2024 la. Selon plizyè temwen, aksyon sa pase pandan yon distribisyon kit sante ki t ap fèt nan Lise Marijàn nan, ki jounen jodi a tounen yon kan refijye pou moun ki te kouri kite kay yo pou bandi nan Kafoufèy yo.
Viktim nan, Béatrice Cajoux se manman 2 timoun youn gen 4 lane epi pi gran an genyen sèlman 13 lane. Madanm nan pèdi lavi l aprè li ta resevwa 2 bal youn nan pye epi lòt la nan pwàtrin li avan menm li rive lopital. Daprè temwanyaj plizyè moun nan kan an medya Vant Bèf Info rapòte, endividi ki fè zak sa se ta yon polisye.
Fòk nou di, depi aprè zak sa a, genyen gwo panik ak kòlè lakay moun k ap viv nan kan Lise Marijàn nan. Se sa ki fè, refijye yo mande prese prese pou otorite responsab yo mennen ankèt pou jwenn otè zak sa a.
Atik sa se pwopriyete prive ©️ Gwoup Medya MAGHAITI 2024
