Otorite ameriken yo fè konnen nan aprèmidi 5 desanm 2024 la pa gen danje tsunami sou vil Californie an ankò. Nouvèl sa vini kèk tan aprè yon gwo tranbleman tè nivo 7 sou echèl Richter a te frape plizyè zòn tou pre Californie yo sa ki te fè alèt la te aktive nan vil ameriken an.
Daprè Enstiti Ameriken Gewofizik (USGS) sistèm alèt la te aktive akoz gwo tranbleman tè sa ki te pase nan Kap Medisino a ki twouve l Californie. Nan detay li bay yo li fè konprann, yo remake te gen fay nan zòn sa sitou nan plak Juan de Fuca a ak plak Pasifik la ki te gen konpresyon nan premye plak la.
selon Euronews, pou pi piti 5,3 milyon moun te resevwa alèt sa. Alòske, plis pase 1,3 milyon lòt ki te touprè zòn tranbleman tè a te pase a, sa ki fè yo te santi sekous yo.
N ap soulinye, menmsi okenn bilan poko bay men plizyè aktivite te gentan sispann sitou nan vil San Francisco. Sikilasyon an te kanpe nan tinèl anba dlo vil sa ki mennen nan Oakland lan. Moun ki t al vizite zou nan zòn sa yo tou responsab yo anonse yo te mete yo yon kote ki gen plis sekirite anplis bèt yo yo te kouri mete lòt kote ki pi wo.
CP: BBC
Atik sa se pwopriyete prive ©️ Gwoup Medya MAGHAITI 2024
