Nan yon nòt ki gen dat 30 dawout 2024 la, Ministè Sante Piblik ak Popilasyon (MSPP) atire atasyon popilasyon an sou jan ka maladi varyòl senj lan ap vin pi plis nan mond lan.
Nan nòt sila, ministè a fè konnen poko gen okenn ka maladi a ki dekouvri nan peyi a jiskaprezan. Men tou, li kwè l se yon nesesite pou popilasyon an gen enfòmasyon panda l anonse la p prepare pou pwoteje l.
Yon lòt kote, MSPP eksplike maladi varyòl senj lan (Mpox) se yon maladi viral ki transmèt sitou nan kontak sere ak yon moun ki enfekte, kit nan blese ki sou po l, likid ki nan kòl, oswa ti gout respiratwa.
Otorite lasante yo nan peyi a bay detay sou jan maladi sa prezante. Daprè sa yo di, li vini sou fòm lafyèv, tèt fè mal, doulè nan misk ak gratèl.
Maladi sa pou MSPP ki ra anpil la ka afekte nenpòt moun. Poutèt sa, ministè a di popilasyon an dwe konnen risk yo ak fason pou l pwoteje tèt li pou kont li.
Anplis, ministè Sante Piblik bay garanti la p travay sou mezi ki nesesè pou anpeche maladi sa a parèt nan peyi a. An menm tan an, li envite popilasyon an pou l adopte pratik lijyèn yo tankou pou l toujou lave men l epi evite rete kote moun ki malad.
CP: Oragan.cd
Atik sa se pwopriyete prive ©️ Gwoup Medya MAGHAITI 2024
