Antre ane eskolè 2024-2025 lan fikse pou madi premye oktòb 2024, daprè sa minis Edikasyon Nasyonal la Antoine Augustin, deklare jounen madi 6 dawout la.
Alòske gen kèk lekòl tankou lekòl mè yo ki te gentan ap prepare pou resevwa elèv yo 2 septanm k ap vini la, responsab ministè a deside pou pòt lekòl yo louvri nan mwa oktòb la.
Yon desizyon ki vini nan moman divès paran gen anpil gwo kè kase pou nouvèl ane eskolè sa nan kontèks ensekirite difisil sa. Daprè minis Antoine Augustin, dat sa ap pèmèt paran yo, elèv yo ak responsab lekòl yo pi byen prepare yo pou retounen nan klas nan yon kondisyon ki ap pi bon pou yo.
Yon lòt kote, Premye minis Garry Conille kore desizyon sa ki daprè li menm se yon repons ak preyokipasyon paran ak pwofesè yo.
Li enpòtan pou n di, malgre ouvèti lekòl la te konn fèt nan mwa septanm gen divès lekòl ki te konn travay depi yon mwa avan. Li rete ak otorite yo nan ministè a pou fè respekte dat premye oktòb la, si yo pa vle kontinye nan yon edikasyon tèt anba.
Atik sa se pwopriyete prive ©️ Gwoup Medya MAGHAITI 2024
