Lapolis Nasyonal Ayiti (PNH) anonse jodi mèkredi 25 septanm 2024 la, arestasyon nan komin Senmak Pierremont Cétoute pou vyòl ak detounman minè.
Se nan dat 18 septanm pase a, Lapolis Senmak te rive mete anba kòd endivi sa ki gen akizasyon vyòl ak detounman minè sou do li. Nan moman odisyon li an, Pierremont Cétoute deklare ak bouch li li gen abitid kouche pwòp pitit fi l ki gen 8 lane epi yon nyès li ki genyen 9 lane.
Daprè PNH la prezime kadejakè a t ap viv nan lokalite Maya, jouskaske fòs lòd yo rive mete men sou li.
Aprè arestasyon endividi sa, Lapolis nan nan zòn Senmak di l ap kontinye rete pi prè popilasyon an. Pandantan sa a, li pwomèt pou l arete tout endividi ki toujou ap tante komèt zak malonèt nan awondisman an.
© Tous droits réservés – Groupe Média MAGHAITI 2024
