Ajan fòs lòd yo arete jounen dimanch 18 dawout 2024 la, 4 endividi. Moun sa yo ki te nan yon bato ki t ap pote dwòg jwenn arestasyon yo nan vil Miragwàn.
Jeannot Orélien, Claudy Joseph ak Fritzner Celaus se non 3 pami 4 endividi sa yo otorite polisyè ak jidisyè Miragwàn yo rive mete anba kòd.
Nan kad operasyon ki mennen ak arestasyon sispèk sa yo, Polis Nasyonal Ayiti a (PNH) rive sezi 5 kilogram kokayin ak 4,903 kilogram marigwana endividi yo te gen ak yo.
Anplis marigwana yo, lapolis fè konnen li jwenn anviwon 1 336 000 goud lakay youn nan endividi yo, nan Chalon.
Pou kounye a, sispèk yo nan gadavi annatandan dosye yo a al devan jij.
Atik sa se pwopriyete prive ©️ Gwoup Medya MAGHAITI 2024
