Nan yon repòtaj odyovizyèl li prezante vandredi 31 janvye 2025 lan, Polis Nasyonal Ayiti a (PNH) enfòme gras ak entèvansyon l, li pouse do bandi yo nan komin Kenskòf.
Enstitisyon an fè konnen plizyè bandi pèdi lavi yo nan kad afwontman ki te gen ant bandi yo ak fòs lòd yo. Yon aksyon, daprè PNH la, kèk moun nan popilasyon an apresye anpil.
2 abitan ki pa t kache kontantman yo akoz bandi yo ki repouse a kwè popilasyon an dwe bay lapolis sipò. epi pa kache nenpòt moun nan lakay li.
Ajan egzekitif enterimè komin nan, Jean Massillon mande ak popilasyon Kenskòf la pou kolabore ak otorite lokal yo ansanm ak PNH la pandan y ap bay bon jan enfòmasyon. Selon otorite a, abitan yo pa dwe nan sitirans ak bandi menm si l ta fanmi yo, se pou sa li di yo : «Sa je wè, bouch dwe pale l».
Atik sa se pwopriyete prive ©️ Gwoup Medya MAGHAITI 2025
