Polis Nasyonal Ayiti (PNH) anonse ayè jedi 22 dawout 2024 la, Géraldine Jean alyas Adine akoz li ta gen relasyon ak bandi. Selon otorite polisyè yo jèn fi 25 lane a te jwenn arestasyon l depi jedi 8 dawout pase a.
Asosiyasyon malfektè, koneksyon epi konplisite ak gang sitou nan Fontamara se kèk zak enstitisyon polisyè a repwoche Géraldine. Nan temwanyaj li, sispèk la deklare li se menaj chèf gang Baby k ap opere nan Bizoton nan komin Kafou.
Yon lòt bò, Géraldine presize se nan mwa avril pase a li te rive renmen ak chèf bandi a san li pot ko konnen ki zak li t ap mennen. Li kontinye pou l soulinye se chèf gang Baby ki t ap peye lekòl pou li.
Dènye tan sa yo anpil jèn fanm pran plezi nan renmen ak chèf gang. San reflechi ak fason move pratik sa ka fini ak sosyete a, sitiyasyon moun sa yo fè pifò lage nan manje lajan sal kriminèl yo.
Atik sa se pwopriyete prive ©️ Gwoup Medya MAGHAITI 2024
