Ti Chinay ak Ti Dyab se non 2 bandi lapolis la anonse ki pèdi lavi yo nan operasyon yo mennen nan zòn ba Dèlma ayè jedi 21 novanm 2024 la. Selon detay li bay, mesye sa yo se te manm “Viv ansanm” e se te pwòch chèf gang ki rele Babekyou a.
«Yo konn Ti Dyab kòm moun ki konn detounen kamyon ki pote gaz ak konntenè ki konn pote manje yo», selon sa yo fè konnen pa rapò ak operasyon sa divès inite nan lapolis la tankou SWAT, CIMO, te mennen.
Nan operasyon sa, sèvis près polis la soulinye tou Jimmy Chérizier alyas Babekyou te nan afwontman an tou. Men, li te rive chape poul li e te menm kite youn nan zam li yo atè.
Pou sa ki gade materyèl yo sezi, yo fè kwè yo te rive pran zam chèf gang sa te kouri kite a, ki se yon kalashnikòv.
© Tous droits réservés – Groupe Média MAGHAITI 2024
