Polis Nasyonal Ayiti a (PNH) anonse jodi jedi 24 oktòb 2024 la, plizyè bandi pami yo yon fanm bwè dlo bouch yo.
Daprè detay sèvis kominikasyon PNH la bay, bandi sa yo rive pèdi lavi yo nan kad operasyon li yo ki ap kontinye nan Savyen, nan depatman Latibonit.
Fanm sa selon sa enstitisyon polisyè a di, te fè pati gang kriminèl ki t ap travay nan lokalite a. Li te genyen tou yon fizi daso nan men l epi l te nan echanj kout zam ak lapolis tou.
Pandan operasyon sa, fòs lòd yo ak sipò Misyon Miltinasyonal Soutyen ak Sekirite an Ayiti a(MMSS) te rive fouye kay manm gang Savyen yo konn itilize pou mennen zak kriminèl yo.
Aprè operasyon sa, PNH la di li motive epi detèmine pou l konbat bandi kriminèl yo. Li soulinye tou l ap fè plis jefò pou ltabli lòd ak lapè sou teritwa nasyonal la.
Atik sa se pwopriyete prive ©️ Gwoup Medya MAGHAITI 2024
