Nan yon piblikasyon li fè sou paj Fesbouk Lapolis Nasyonal Ayiti (PNH) a anonse jodi vandredi 27 septanm 2024 la, Direksyon Santral Polis Jidisyè (DCPJ) arete yon sè ansanm ak tout madanm chè gang Kempes Sanon k ap dirije katye Bèlè.
Daprè enfòmasyon PNH la pataje, Marie André Nathalie Balaam, 41 lane, se madam chèf gang nan epi Vanessa Sanon li menm gen 35 lane e li se sè li. 2 medam sa yo anba kòd pou konplo kriminèl ak konplisite yo nan gang Kempes Sanon ap dirije a, nan katye Bèlè.
Anplis sa, otorite polisyè yo fè konnen daprè enfòmasyon anketè yo nan Selil Kont Anlevman (CCE), yon antite anndan DCPJ, Marie André Nathalie Balaam te jwe wòl antèn pou gwoup gang Bèlè a epi tou li te jere yon konpayi ki nan zòn metwopolitèn Pòtoprens lan, sou non Kempes.
Tandiske Nathalie li menm, sè Kempes la, Lapolis di li te responsab jere lajan gran frè l ak voye lajan chèf gang nan bay lòt manm fanmi l.
Lapolis raple, chèf gang Bèlè a Kempes Sanon te nan prizon pou kidnapin, vòl ak touye moun.
Atik sa se pwopriyete prive ©️ Gwoup Medya MAGHAITI 2024
