Lapolis nan Beladè anonse li arete ayè jedi 5 septanm 2024 la, Guillod Ora, 2yèm chèf gang nan Rivyè Fwàd ki sou kontwòl yon sèten Marc-Arthur nan komin Kafou. Se sèvis kominikasyon Polis Nasyonal Ayiti (PNH) a ki anonse arestasyon chèf gang nan.
Nan detay li bay, li fè konnen endividi a jwenn arestasyon l sou fwontyè Beladè a nan depatman Sant peyi a. Se Polis fwontyè sou latè(POLIFRONT) yo ki mare jèn gason 38 lane a. Daprè otorite polisyè yo, pou kounye a endividi a nan gadavi pou tann tout lòt pwosesis jidisyè yo.
Pandantan sa, PNH la anonse l ap ranfòse entèvansyon l yo ansanm ak operasyon l pou l mete deyò nenpòt moun k ap chèche sove nan rejyon metwopolitèn Pòtoprens lan, aprè li fin komèt zak malonèt li yo.
Atik sa se pwopriyete prive ©️ Gwoup Medya MAGHAITI 2024
