Jodi jedi 5 septanm 2024 la, Lapolis Nasyonal Ayiti (PNH) a anonse li arete 2 gang nan baz Chen Mechan ak nan Pyè 6.
Daprè enfòmasyon lapolis la bay, mesye sa yo se Dieuzan Lamarre li gen 25 lane ak Mike Anderson Vital ki li menm gen 26 lane.
Endividi sa yo jwenn arestasyon yo nan zòn Dèlma 75 nan lannuit 3 septanm pase a. Se nan kad yon operasyon tèt ansanm ki te fèt ant Direksyon Depatmantal Lwès 2(DDO2), SDPJ ak komisarya Dèlma a.
PNH fè konnen Dieuzan Lamarre rete Dèlma 33 epi Mike Anderson li menm rete Blancha/Sat nan komin Site Solèy. Tou 2 endividi yo jwenn arestasyon yo nan yon otèl ki rele “Rêve d’Or Hôtel”.
Pou kounye a, 2 endividi sa yo twouve yo nan gadavi pou tann tout rès pwosesis jidisyè yo, daprè sa PNH la fè konnen.
Atik sa se pwopriyete prive ©️ Gwoup Medya MAGHAITI 2024
