Kèk tan aprè atak gang yo sou komin nan, Lapolis Nasyonal Ayiti (PNH) enfòme l ap mennen yon operasyon nan Kenskòf jodi lendi 27 janvye 2025 lan.
Ajan fòs lòd yo pa t pran tan reyaji fas ak atak bandi yo sou komin nan kote yo pran dispozisyon pou mennen yon gwo oprasyon ladan l. Daprè enfòmasyon enstitisyon polisyè a pataje sou paj Fesbouk li, se plizyè inite nan lapolis la ki deplwaye Kenskòf pou mare kriminèl ak zam yo k ap eseye simen latwoublay nan mitan popilasyon an.
Polisye sa yo, selon sa PNH la di vin ranfòse komisarya zòn sa. Yo di tou ajan sa yo ap genyen pou ede netralize bandi yo ak pèmèt genyen yon prezans polisyè ki vin pi plis nan Kenskòf.
Pandan y ap mennen operasyon sa, lapolis mande popilasyon an mete men ansanm ak yo pou kontinye mennen batay la. Poutèt sa, li envite manm popilasyon an pataje ak yo nenpòt enfòmasyon ki kapab ede yo idantifye moun ki sispèk osnon rapòte tout lòt aktivite kriminèl k ap fèt yo.
Atik sa se pwopriyete prive ©️ Gwoup Medya MAGHAITI 2025
