Aprè plis pase 2 mwa nan prizon, komisè Lyvenson Gautier jwenn liberasyon l jodi mèkredi 27 novanm 2024 la. Se jij Brunet Salomon ki pran desizyon sa.
Anplis komisè a ki jwenn liberasyon l aprèmidi a nan komisarya Kanapevè a, genyen tou enspektè Jean Claude Aimé, Jean Laguerre, ak Antoine Robinson ki yo menm tou pa nan prizon ankò. Se yon nouvèl ki mete kè kontan nan mitan moun ki t al sipòte responsab la ki daprè yo pa konn anyen nan sa yo repwoche li a.
N ap raple, ansyen komisè komin Taba a te jwenn arestasyon l 13 septanm 2024 la, kote yo te akize l kòm youn nan moun ki ta enplike nan ansasinay sitwayen ki te rele Hubert Colo a.
Atik sa se pwopriyete prive ©️ Gwoup Medya MAGHAITI 2024
