Jounen jodi mèkredi 1e mas 2023 a, jij Jean Wilner Morin libere Direktè lekòl Anglè «Go on Institute» ki te arete nan dat 22 fevriye ki sot pase la, akoz li te akize pou lajan li pran sou kòb «Mon Cash» pou lòt moun.
Micatin Morvan, gran frè John Colem Morvan te gentan arete epi fèmen penitansye nan dat 27 Fevriye, aprè jij la te fin tande prezime koupab la.
John Colem Morvan ki se yon veritab enfliyansè sou rezo sosyal yo, kote li gen yon ribrik ki rele «Bat Bravo pou lajenès», ki gen pou objektif denonse moun ki ta nan move zak. Lapolis te mete men sou gran frè li, Micatin Morvan, Direktè lekòl Anglè «Go on Institute» pou sila ki ta ap vòlè lajan moun sou kont « Mon Cash » yo ansanm avèk sekretè li. Men jodi a li rive jwenn liberasyon l.
Atik sa se pwopriyete prive ©️ Gwoup Medya MAGHAITI 2023
Discussion about this post