Nan yon kominike yo pibliye jodi samdi 7 novanm 2024 la, Fòs Lame Ayiti (FAD’H) anonse yo kenbe 2 prezime bandi ki t al fè tèt yo pase pou sòlda pou te antre nan lokal Òganizasyon Ekektrifikasyon ak Koperasyon Karayib la (OECC). Yo fè konnen, aprè ankèt yo te mennen yo te rive remèt lapolis 2 endividi sa yo, puiske yo jwenn se vòlè yo te vin vòlè materyèl elektrik ki anndan yo.
Carlo Tity ak Mackendy se 2 endividi sa yo FAD’H la di yo jwenn ki nan gwoup gang Kraze Baryè a. E ki t al eseye vòlè materyèl nan OECC ki twouve l nan zòn Taba.
«Anbasad Taywan ki te jwenn alèt nan men ajan sekirite sivil ki ap pwoteje pati yo a te kouri kontakte anbasad Etazini an Ayiti, ki toupre a. Yon fason pou chèf sekirite l la te kapab vini gade sitiyasyon an», selon sa ki ekri.
Nan lide pou retire tout konfizyon, responsab yo nan katye jeneral la soulinye aprè tout ankèt pa gen pyès nan mesye yo ki t al jwenn Ameriken. Men, se pito lapolis yo te remèt yo.
Atik sa se pwopriyete prive ©️ Gwoup Medya MAGHAITI 2024
