Kolektif Avoka k ap Defann Dwa Moun yo (CADDHO) di l resanse plis pase 9 tribinal lapè ki fèmen anndan peyi a akoz vyolans nèg ak zam.
Se jounen mèkredi 15 dawout 2024 la, Kolektif la revele enfòmasyon an. Kòdonatè jeneral yo a, mèt Arnel Rémy fè konnen se nan 6 komin nan depatman Lwès la tribinal sa yo rive fèmen pòtay yo.
Ansanm tribinal lapè ki fèmen yo twouve yo Kafou Ayewopò, Kwadèboukè, Kwadèmisyon, Kafou, Kabarè, Gresye. Genyen tou ki fèmen nan seksyon Sid, seksyon Nò ak seksyon Ès la, selon sa òganis dwa moun nan epksplike.
Nan sans sa, estrikti a mande ak otorite yo pou yo pote kole ak popilasyon nan zòn sa yo, ki selon yo menm pa gen aksè ak lajistis depi kèk tan.
sa se pwopriyete prive ©️ Gwoup Medya MAGHAITI 2024
