Nan yon kominike yo pibliye ayè lendi 16 desanm 2024 la, Biwo Entegre Nasyonzini an Ayiti (BINUH) raple tout aktè politik yo angajman yo te pran pou tabli lapè epi òganize eleksyon an Ayiti. Responsab yo soulinye tout sa yo dwe fèt pandan aktè yo ap chache enterè popilasyon an olye pa yo.
«Jefò nan kad sekirite yo pap ka fèt ni dire si l pa jwenn lòt sipò, e si l pa fèt nan yon lespri konsansis ki ap bon pou enterè popilasyon an, kote ki ka mennen ak òganizasyon eleksyon yo», daprè sa nou li nan kominike a.
Pi lwen, yo fè konnen pandan peryòd vyolans gang yo ap fè nan peyi a, sitiyasyon politik la dwe pi bon. Yon fason, selon yo menm, ki ap pèmèt peyi a vin miyò.
Nan sans sa, BINUH di li swete tout pati yo ap jwe wòl yo pou peryòd tranzisyon an ka byen pase. Nan bò pa yo, yo fè kwè y ap kontinye ede nan fason pa yo pou pèmèt popilasyon an reprann konfyans nan otorite ayisyen yo.
Atik sa se pwopriyete prive ©️ Gwoup Medya MAGHAITI 2024
